Download GUPKHIATNA GEELNA KIPANTA

Lesson 9 for
November 26, 2016
Tuhun a Lai Siangtho ih theih bangin Job in theilo hi. Ahi ta zongin, Job in hong
pai ding Gumpa lametna tawh gupkhiatna geelna hong kizom cih tel mahmah hi.
 Pasian sungah Mihing’ Lametna.
 Thudik lo pan amah le amah kidal.
 Lametna lenkip.
 Lametna kicing tangtungta.
 Eite ading Pasian’ Lametna.
 Gupkhiatna geelna kipan ta.
 Gupkhiatna geelna kipuak ta.
“Bangbang ahi zongin zuauthu-in nong melhbawl uh hi; note a
kimanna om lo zato siamte na hi uh hi. Note na vekun dai
tapeuh dih un! Mipil na tangzaw ding uh hi.” (Job 13:4-5)
A lawmte thuteng a ngaih khit ciangin, Job in a thupi mahmah thu nih tawh
amaute in zuau phuak uh cih, gen khia hi:
1. Job vai ah zuau-gen hi. Amaute in Job thuakna pen mawhna a imcipna hang hi
ci’n gen uh hi. Tua vai thudik lo ahih zia, Job in na tel khin hi (Job 13:2)
2. Pasian vai ah zuau-gen hi. “Pasian
tangin kam gilo pau ding na hi uh
hiam? Ama adingin zuauphuak
ding na hi uh hiam?” (Job 13:7).
Pasian in agen kik in-ah: “note in
ka nasempa Job bangin kei thu
amaanin na gen kei uh hi.” (Job
42:7)
Job’ lawmte in Pasian kiang pan
kidal in kampau pau uh hi, ahi zong
thudik lo apau sangin adaih dide
ding uh hizaw hi (Paunak 17:28)
“Amah’n kei hong thah leh zong amah ka lamen lai hi; a
maitang ah ka ngaihsutna ka puak taktak ding hi.” (Job 13:15)
Pasian in thutang lo in amah bawl cih Job in
ngaihsun hi, ahi zong Pasian sungah upna lenkip
lai hi. A zenzen in Pasian in tua mun panin amah
la khia leh zong, Pasian mah ngak lai ding hi.
Job ii lametna bang hiam?
Hih leitung ahi lo, han (sihna) gal khat ah Pasian
tawh kimuh ding ngak in om hi (Job 19:26).
A sia, apha hun sungah Job koici nuntak cih ih sin
khit ciangin James in Abraham thu agennate ama
tungah ih zang thei ding hi: “Ama upna le a
gamtatnate in semkhawm a, ama sepna in a
upna bucingsak hi cih na thei hi. Tua hi a,
Laisiangtho in, “‘Abraham [Job] in Pasian um a,
tua ama upna ama thumaanna-in kisimsak hi,” a
cih tangtunga, amah Pasian lawmpa kici hi.”
(James 2:22-23).
“Ama mai-ah pasian nei lote pai ngam lo uh ahi manin
hih in kei kihutna hong lehsuah ding hi.” (Job 13:16)
Job ii lametna in Pasian hong gupkhiatna mah tupbel in nei cih ama kampauna
panin ih tel thei hi. Tua lametna in Pasian’ omna ah alut ciangin tangtung tading
hi.
Kum za tampi khit teh, Paul in tua
lametna ii khamuanna in a thokik
Christ tungah ki-nga ahihna hong
hilhcian hi (1Co. 15:12-22)
Jesu’ thawhkikna in ei zong thokik
ding cih aamahkhan hi. Jesu hong
kum kik ciangin, Adam panin Job le
a nungta laite, Christ sungah upna
anei khempeuh in Gumpa maitang
kituah in mu ding uh hi. “Tua tak
ciangin Topa tawh i om khawm
tawntung ding hi.” (1Thes. 4:17)
“Christ’ sung aa nuntakna pen tawldamna ahi hi. A lungdam
bangh aa omna mawk bek hilo in lungmuangtak aa omna ahi
hi. Na lametna nang’ sung ah om lo in Christ’ sung ah om zaw
hi. Nang’ thanemna pen Ama hatna tawh kipawl in nang’
haina pen Ama ciimna tawh, nang’ zawngkhalna pen Ama
thuak- zawhhatna tawh kipawl hi. Na lungsim nangma tung
bekbek ah a kingak loh nading in nang le nang ki en kei inla,
Christ en zaw in. Ama hong itna, Ama zia le tong, a hoihna
leh a kicinna bekbek mah ngaihsut in nei in. Christ in Ama
angsung a nialna, Christ a kiniamkhiatna, Christ a sianthona
le a hoihna, a kidem zo lo Christ’ hong itna, - cihte pen kha ii
lungngaihngaih ding thute ahi hi. Amah itna, Amah ciinna,
Ama tung bek aa kingakna, cihte tawh Amah a sunn ding aa
a kikhel ding nahi hi.”
E.G.W. (Steps to Christ, cp. 8, pg. 70)
“tua upna le theihna pen zuau a gen lo Pasian in hun kipat ma-a a
ciamsa, nuntak tawntung nading lametna tungah kinga a.” (Titus 1:2)
“Mi khat peuh amawh khak leh
ka honkhia ding hi.” Tua in
Pasian amah le amah hong
kipumpiakna ahi hi. Tua in eite
lametna ahi hi.
Hih in mihing kibawl ma nangawn a piang khinsa ahi hi.
Mawhna ah pukna sawt khin
himah leh hih gupkhiatna in eite
ih om mapek a na kipan khin hi.
Leitung kipiansak mapek in
Pasian in mihingte mawhna ah
akiat ding thei khin hi, tua manin
gupkhiatna geelna na khung
khol pah hi. A puksa mihing
tading lametna ahi hi.
Adam le Eve hong mawh uh teh, hih geelna kipan khia hi. Pasian in Ama geelna
damdam in Lai Siangtho sungah hong lak hi. Hun nunung a om eite hong
kihilhkholh nadingin apiang ahi hi (1Co. 10:11); Gupkhiatna geelna, a masapen
kamciam panin a nunungpen atangtun hun dong koici kipuak cih ih mu thei hi.
E.G.W. (Daughters of God, cp. 4, pg. 78)
“Laibute’ Laibu ahi, Lai Siangtho sin nangin hun la in.
Jesu nungzuite in tuhun laitak sangin ahoih zaw Lai
Siangtho sin hun ngah ngei nailo uh hi. Khemna in lam
tampi panin ong lut ahih manin, lawm hoih pen Jesu
tawh gamtat zia ding kikupkhop den kisam hi. Upna le
thumanna tawh kalsuan a, Khazih' diktanna khuavak
nuai ah a om mi in nuntakna lampi mu ding hi. Ahi zong,
Lai Siangtho i theih kei leh, hih in bang gen hiam cih koici
theih ding ih hiam? Pasian thubu sungah i sep ding
vaipuak pen siangtak in kigen a, biakna lam nuntakna ah
lampi kician mahmah khat hong lak hi. Tatkhiatna thu
gelnate ki khil dimdiam a, tua in mihingte samkhia hi.
Khazih nasepna na ah thu um mite sepzia ding le a
gualzawh theih nang lampite kihong khia hi.”