Download “Ahi hangin gamsate dong un, amaute in hong hilh ding uh hi

Lesson 4 for October 22, 2016
Moses in Midian ah aten sungin Job le
Piancilna thubute hong gelh khia hi. Tua hi
in, Laisiangtho sunga kigelh masa pente’ lak
ah Job thubu in khat ahi hi.
Adang Thuciam Lui bute bang lo in, Job
thubu ii thupaipi ah Pasian in a mite tawh
thuciamna vai kihel lo hi.
Job thubulphuh pipen in leitungbup huam,
Pasian le mite’ thuaksiatna cihte ahi hi.
1. Pasian Muh khiatna.
 Nate in Pasian’ thu gen hi.
 Piangsakpa Pasian.
2. Mihingte Thuakna.
 Banghang thuaksiatna om hiam?
 Banghang eite’n thuak ie hiam?
3. Pasian leh Mihingte thuakna.
“Ahi hangin gamsate dong un, amaute in hong hilh ding uh hi; ahikeh huihlak
vasate dong un, amaute in hong gen ding uh hi. ahikeh leitung hopih un, tua in
hong hilh ding hi; ahikeh tuipi sunga ngasate kigensak un. Hihte khempeuh in,
TOPA khut in hihte a sepsa ahilam a thei lo om ding ahi hiam?” (Job 12:7-9)
“Ahang in, leitung piancil a kipan a kimu
thei lo Pasian pianziate, a tawntung
vangliatna le a Pasian pianngei a
kipiangsaksa nate panin kitheitelin kimu
ta ahi manin mihingte in pauhlam ding a
nei kei uh hi.” (Romans 1:20)
Nate in Pasian hihna kicing takin hong lak hi, tua
manin eite in Amah theithei in, ih phat thei hi.
Piansak nate ih dot khit ciangin leitung abawl
Pasian khat om cih up ding haksatna omlo hi.
Smartphone hoih mahmahte pen abawl omlo a,
ama thu in hong piang hi kici leh ih nuihsan ngel
ding hi. Ama’ thu in hong piangtawm ih cihte
sangin a manpha zaw na khat banghang in ih
saan ding kilawm hiam?
“Ahang in, na khempeuh ama piansak hi a: vantung le leitunga om nate,
muh theih le muh theih lohte, kumpi tokhomte ahi zongin, vangliatna ahi
zongin, ukte ahi zongin, thuneite ahi zongin, na khempeuh amah in ama
adingin a piansak ahi hi.” (Colossians 1:16)
Piansak nate’ tecipannate ban-ah, thupaizia in
Piangsak Pasian a omzia hong gen lai hi.
Pasian a om takpina thupaipi in na khat beek
ama thu in hong piang lo a, amah le amah a
kipiangsak om lo hi. Gtn in, nu-le-pa tungtawn
in eite ih piang a, pi-le-pu tungtawn in amaute
piang hi. Pianna phung neilo, a om tawntung
mipa tawh ih kimuh mateng eite in ih mainawt
toto ding hi. Eite’ theih khat in, a kipiangsak
tawm hilo, tang tawng pek pan aom khin,
Pasian bek ahi hi.
LST siam (scholars) mi tampite in Pasian omlo
in eite ih piang hi cih, hong lak khia nuam mah
leh, tua in thukhial pen dik sak tuan lo hi.
“Note in kei sungah lungnopna na ngah nadingun hih thute kong gen khin ta
hi. Hih leitung ah note na lungmang ding uh hi. Ahi hangin kilungkhauhsak un!
Leitung ka zo zo hi,” a ci hi.” (John 16:33)
Pasian in itna hi, cih Job in atheih nangin hong hanciam
ciangin mite’ tuahkhak tona lianpen khat hong phukha
hi. Banghang in itna Pasian in Ama’ piansakte athuak siat
ding phal mawk hiam?
Siatna in thuaksiatna ii bulpi hi cih Job thubu hong hilh
tel hi.
Adang khat ah, Pasian in na khempeuh thei a, vanglian in
itna nei hi. Amah in Job don in, a omzia zui in damsakna
(zatui) puak hi.
Pasian in thuaksiatna piangsak
lo hi. Alang khat ah, tuate ih
zawh zawh nangin geelna nei
hi.
Eite in Ama lainatnate muang
in Ama geelna tangtung
mateng ih ngak ding ahi hi.
“Na khut in kei hong geelin nong bawl hi. Tu-in kei
hong susia zel ding na hi hiam?.” (Job 10:8)
Pasian om khin ahih na le piansak nading
vanglian ahihna ah Job lunghiang lo hi. Ahi
ta zongin, lamdang asak det khat in, Bang
hang ke’n thuak ka hiam? Hi bang ka thuah
nadingin bang khialhna bawl ka hiam?
Dawibia-te in thuaksiatna pen ih nuntakna
hong uk ama thu a piangtawm khat hi, ci-in
ngaihsun uh hi (alang khat ah, tua in
lungkimna le lametna a omlo dawnna hi).
Thu-um mite in tua thuaksiatna ah haksa
taleh phu teta uh a, hih thuakna in Pasian
deihna ah a citakte zong su kha hi.
Khat veivei ei mawhna hangin ki thuak sia
thei hi, ahi zong atawntung hisam lo hi. Tua
hi-in, khat veivei eite in Pasian’ zia-le-tong
dik pen ih muangmawh thei hi.
‘Mi khempeuh zuau gen hi henla, Pasian a thutak hi ta hen. “Na thukhenna-a na
zawhna le na kammal-a na thumaanna a kilat theih nading ahi hi,” ci-a kigelhsa
bang ahi hi.’” (Romans 3:4)
Eite in siatna namkim (natna le
thuaksiatna) leitung ah ih ten mah
bangin Pasian’ lainatna ih san zawh
nading haksa hi.
Van mite le apuk lo leitungte in atel mah
uh hiam? A zenzen in Pasian in Lucifer
amawh khit phet in susia pah leh,
amaute in Pasian pen lungtang neilo,
ama thu a ukpa bangin mu ding uh hi.
Paul gen mah bangin, Thukhenna in Pasian’ zia-le-tong
dikna lak khia ding hi. Mawhna hanga hong buaipihna
vai in Pasian in itna hi a, van mi khempeuh le, apuk lo
leitungte le, leitung a teng a nungta mi khempeuh mai
ah Ama lampi in a thutangzia lak ding hi.
E.G.W. (The Great Controversy, cp. 42, p. 670)
“Thumaan le thukhial kitel lo a kum hitan ta kido suk
ngiatngiat pen tu in kitel khia ta hi. Tual gal dona, Pasian
thukham hep khiatna hanga piangteng, lungsim nei
khempeuhte mit muh in a thaman kilui khia ta hi. Ama
nasepteng mah in Satan leh-mawhsak lel tamawk hi. Pasian
pilna, A thutangna le a hoihnate kiptak in ding khia giugeu lel
hi. Hih kidona lianpi tawh kisai Pasian’ ngimnate pen Ama
mite le abawlsa leitung dangte hoih tawntung hoih nading
ngimna tawh a vaihawm ahi hi. “Topa aw, nangma sepsate
khempeuh in nang tungah lungdamna hong ko ding uh a,
nangma mi siangthote khempeuh in nangmah hong phat ding
uh hi.” Late 145:10. Mawhna hong pian khiat zenzenna in,
Pasian thukham a kizatna mun ah A bawlsa mite nopsakna hi
cih teci lak ding asuak hi. Tua kidona en in, “Nang
misiangthote’ Kumpipa aw, Na lampite tangin maan hi,” ci-in
thumangte hi taleh galbawlte hi taleh vanpi leipi tawh a
kituak in tha khat in a awng khia zuahzuah uh hi.”